張繼聰笑言要過多幾年才可讓囝囝看,太太謝安琪(Kay)事前知道更是表現大方:「之前有同佢提過有個劇本,佢就話『你都咁大個人,唔使講啦,唔使問我。』」不過他就不贊成太太拍同類戲:「可以拍動作戲,但唔可以愛情動作囉!有kiss戲我都會支持佢嘅,最多播嗰陣我遮住自己對眼唔睇囉!」 Jeana有份演出另一劇集《性敢中環》,她表示暫時不用性感,只是有很多醉酒戲,她說:「鍾意美劇《Sex and the City》(色慾都市),呢部可以用中環題材背景,終於有呢啲題材。我有問欣宜攞演唱會飛,不過佢話爆晒。」她自言有演唱會票都是自己看,沒有人追亦暫時不想拍拖,想處理好手上工作。