港視劇集已播得七七八八，尚餘八部劇未出街，由視帝夏雨和影后鮑起靜主演嘅港視劇《歲月樓情》將於下周二播出。

按照慣例，噚晚港視推出首集9分鐘優先睇，第一場已經係電視機掟落街嘅震撼場面，然後就有鮑姐夏雨與同樣係好戲之人嘅陳安瑩做對手戲，鮑姐嘅精湛演技已獲不少網民激讚，其中一場鮑姐到警局報案搵女，鮑姐熱淚盈眶，一串淚水緩緩由眼尾落下，網民話﹕「鮑姐啲戲真係勁，睇到心都UP埋，必追呢套。」「Trailer中的白田邨都拆掉了,但港視還未發牌....這是甚麼樣的鬼政府!!!」「睇左九分鐘預告...已經好想追落去了...」

鮑姐日前受訪時就話﹕「我今次角色係悲情啲，身世比較淒涼，可以話係我演電視劇以嚟，最多感情戲一次。」