韓國女歌手IU近日係佢個官方facebook公開咗鼓勵高考生嘅視頻，IU係片段中同學生打氣，又話：「我雖然冇參加過高考，但係高考讓人不寒而慄，唔知道考生有幾大嘅負擔同壓力，不過我想鼓勵同安慰考生，所以我會給大家帶來更好嘅音樂。」IU話要用音樂鼓勵考生，仲舉起拳頭叫考生加油，唔少粉絲都讚佢又貼心又可愛。

另外，IU都有份參加嘅韓國四大音樂盛事之一嘅「2014MelOnMusicAwards」，將於今日係韓國舉行，除咗IU外，天團BIGBANG嘅太陽、BEAST、Girl’sDay、WINNER、SISTAR都會現身擔任表演嘉賓，到時現場會頒發17個獎項，包括「MelOnMusicAwardsTOP10」、「藝人獎」、「專輯獎」等四個主要獎項以及「人氣獎」、「MusicStyle獎」、「特別獎」等。而香港嘅觀眾就可以於香港時間下晝5點係MOOV網頁同MOOV音樂App度欣賞直播，之後晚上11時就會係nowTV100台轉播。