剛剛同意大利貴族老公Gian Luca Passi de Preposulo新婚嘅實力派女星謝茜嘉謝西婷（Jessica Chastain），最近被影到同老公於加拿大魁北克甜蜜行街食雪糕，非常寫意。今日佢主演嘅新作《烽火動物園》（The Zookeeper’s Wife）亦於香港上映，戲中佢飾演一個動物園管理員，二戰期間利用動物園收埋猶太人免遭屠殺。電影唔單止改編自真人真事，仲真係搵晒啲真動物拍攝，而謝茜嘉仲同真獅子老虎困獸鬥「合作」！戲中有好多唔同嘅動物，包括獅子、老虎、豹、斑馬、猴子、駱駝、大象、狼、野牛、馬、豬等等，現場就有馴獸師睇住。謝茜嘉唔單止完全唔驚，仲花咗唔少時間，專發向紐約布魯克林動物園（Brooklyn Zoo）嘅管理員偷師，認真專業。