【本報訊】自問敢言的金冬雁生於廣州，早年在北京攻讀博士，主修免疫學、分子生物學及病毒學，但他對中國看待科研、基建的態度就心裏有數。金指中國空有通報系統，局方與醫院欠溝通，掌握疫情後又要等中央下政治決定，「所以𠵱家爭咩零號病人，其實都係冇用，如果個系統係work，早已經work啦。」

金冬雁生於廣州，父母是港人，他在北京攻讀博士學位、任教數年後，赴美深造，師承美國國家過敏及傳染病研究所分子病毒學實驗室主任蔣觀德。後來想回流，金第一時間想起香港，選擇在香港回歸翌年加入港大，他認為本港具備科研及基建條件，成為亞洲的生物醫學研究集中地，「𠵱家睇嚟，都係做到。」

通報失效屬人禍

金冬雁認為中國的通報問題再一次表露無遺：「做clinical（臨床）嘅人，同做virology（病毒學）人冇communicate（溝通）……雖然建立咗個好好嘅system（通報機制），suppose係可以全國有咩發生即刻睇得見，但冇起到作用」。據悉，中國疾病預防控制中心直至1月底才正式要求各省、市、縣，須於兩小時內向中心通報武肺新個案，並須於一日內完成診斷及檢查，但初時並非全部省市都能改善。金冬雁指通報失效屬人為問題，「如果你認真去檢查，梗係有人需要負責嘅……如果個系統係work，早已經work啦，有幾個病人嘅時候已經發現晒啦，已經可以去追（查）……但點解冇發生呢？」
■記者于健民