大埔馬屎洲發生墜機意外，有市民向《蘋果》表示他目擊整個事發經過，形容過程驚險。讀者劉先生指當時他正在大尾督扒艇，抬頭見到一架小型飛機在空中練習花式飛行，不停打斛斗，至下午4時許時，他再見到該架小型飛機在馬屎洲附近水平旋轉，「不停360度旋轉，垂直向下降，100米高淨係用咗5秒降落」，直言：「我望住5秒都呆晒，仲諗緊咩花式嚟嫁，去到咁低都唔升返上嚟，大鑊喇，就知佢係失控」。

劉指該小型飛機其後急墜在島上，初時以為機師情況可能好嚴重，但其後見到機師由水警輪送往大尾督岸邊，「個機師血流披面，左邊大髀好多血，但神志好清醒，自己行得到，只係由水警扶住上岸」。他續指今次是他第一次目擊小型飛機墜機的經過，慶幸機師「真係好好彩」。

你敢爆，我敢獎！ 即Call《蘋果》24小時爆相爆片熱線 ：63836568