【專恰新人】滕麗名呂慧儀中靶 馬米高出書爆大台「海產」藝員擺阿姐款
呂慧儀滕麗名馬米高
馬蹄露侄子兼YouTuber馬米高,早前因黃藍政見與姑姐對立,批評馬蹄露惡頂兼九唔搭八,在過去一年抗爭運動,支持反送中立場鮮明,今年初飛到台灣見證總統選舉。他亦逃不過被離巢的命運,自去年初拍罷《牛下女高音》,他已在大台銷聲匿跡,近日他出新書《英文寫真》分開兩章節講《娛樂照妖鏡》和《Seafood看人低》,講出在大台曾被資深女藝員冷言冷語,揞名爆出「偽人」面具,今日有報道指書中,矛頭直指《愛.回家之開心速遞》的演員,有傳「Old Seafood」是滕麗名、「海產」就是呂慧儀,批評她們恰新人或綠葉。
馬米高在大台工作7年,他曾被「Old Seafood」奚落,有次到書局拍外景,嗰日有兩場戲,中間有1小時休息,馬米高見工作人員都在忙,就先坐在公家凳休息,這位女藝員一見到即面露不悅,以八婆嘴臉,出言單打對方,跟身邊化妝師講「你做咩唔坐,而家畀咗唔知啲咩人坐」,嚇到馬米高立即起身道歉,不過這位女藝員仍咬着不放,一邊望着粉盒,一邊又跟身邊化妝師說「下次你自己坐好喇,唔好畀唔知啲咩嘅人坐」,之後馬米高見有其他工作人員坐這張公家凳,馬米高無奈指原來在「Old Seafood」口中,只有「唔知啲咩人」的演員沒資格坐。
另一次就是被「Old Seafood」同劇拍檔「海產」恰,馬米高指這位「海產」女藝員喜歡扮導演,對其他人指指點點,又擅自改新人對白,要睇住其他演員有沒有拍攝超時。而同劇亦有見義勇為的男演員「虎哥」,不屑「海產」欺負大台新人,開口為新人抱不平。其實有長腳蟹之稱的呂慧儀,不時惹是非,有傳她曾發晦氣窒到娛樂新聞台女主播周佩婷離場,又有幕後爆她擺阿姐款,喝罵「群姐」許思敏、「池美麗」鍾凱琪與「陳師奶」孫慧蓮等綠葉。記者曾致電滕麗名和呂慧儀,但未獲回覆。
馬米高以短訊回覆《蘋果》:「咩劇同乜人都唔重要,所有嘢都冇可疑!隔咗咁耐而家睇返都係一個有趣嘅經歷,呢啲同人相處嘅經驗真係訓練班都教唔到你,好多謝佢哋入錢落我袋,每個地方都好多old seafood,我諗好多讀者打工仔都會遇到差唔多嘅經歷,咁佢哋又畀到我實質例子等我可以講吓形容佢哋嘅英文,所以就放咗落本書度,最想帶出就係學英文就好似我做茄喱啡咁,開頭一定俾人笑俾人蝦㗎啦!只要畀心機一路努力一路學,就會越嚟越好㗎啦!」
-----------------------------
打國際線 《蘋果》英文版免費試睇
按此了解更多 英文版已登錄新版《蘋果》App
按此下載/更新 馬米高出新書,講在大台曾被資深女藝員冷言冷語,揞名爆出「偽人」面具。
他曾被「Old Seafood」的女藝人奚落。(IG截圖)
矛頭直指《愛.回家之開心速遞》的演員。(IG圖片)
有傳「海產」就是呂慧儀、「Old Seafood」是滕麗名。(IG圖片)