水務署承認，屯門區內輸水管出現老化情況，已展開長達4年水管重鋪工程，改善輸水管經常爆裂、導致供水中斷情況（見附表）。
湖景邨湖月樓住戶向本報投訴稱，大廈鹹水近年經常突然停止供應，令住戶深受困擾。

湖月樓1個月停5次
「呢一年差唔多個個月都試過冇鹹水，投訴過重係咁，一啲改善都冇；最離譜係上個月，一共停咗5次，幾日幾日咁停，又唔知幾時有番，屋企要擺定啲桶嚟裝食水沖廁，好麻煩！」
住戶一臉無奈地說：「吓吓裝一大桶食水沖廁，我都覺得好嘥水，個個月水費都要畀多啲，真係好唔掂！」居民質疑水務署及房屋署沒有妥善保養水管，令水管經常爆裂，鹹水供應中斷。

兆山苑停供個半月
湖景邨毗鄰居屋兆山苑其中三幢大廈，楊景閣、棷景閣及楗景閣居民稱，今年5月中至6月底一個半月，沒有鹹水沖廁，居民用食水沖廁，極為不便。
房屋署發言人強調，房署一直有監察邨內水管狀況，保養測量組會向屋邨管理諮詢委員會滙報，研究改善方案。
水務署跟進本報轉介投訴後回覆稱，會監察所有水管及水掣情況，在有需要時進行維修或重鋪。