徐子珊、馬國明及黃德斌等昨日在將軍澳電城廣播城，綵排台慶表演項目「飛天鼓舞壽南山」，三人在下周一（19日）舉行的《萬千星輝賀台慶》中，聯同陳法拉及吳卓羲一起吊威吔至凌空20多呎大玩敲擊樂。

黃德斌去年在《歡樂滿東華》中，與鄭希怡等人表演空中飛人環節時，看着拍檔Yumiko不慎甩褲露出T-back，是次再要吊高玩敲擊樂，問他可有留下陰影，他說：「冇嘅，今次唔使同其他隊友有身體接觸，自己顧自己，今次最緊要大家動作一致就得，不過只係得四日時間練習，希望女隊友佢哋今次着低胸裝，會有睇頭啲，要我低胸都唔介意嘅。」

徐子珊則表示屆時會做足打底措施以防走光，她說：「未知到時啲衫係點，應該都好安全嘅，我會打多幾層底，節目係直播嘅，梗係唔想有意外啦。今日綵排都算順利，我都習慣吊威吔，本身都冇畏高，不過反而係練敲擊樂就練到膊頭有啲痛，要凌空吊高打鐵桶同埋膠盆都幾攰㗎。」
採訪、攝影：卓美娟