韓國MBC王牌節目《我獨自生活》噚晚播出最新一集，而天團BIGBANG成員勝利再度亮相節目，並公開與親妹妹見面嘅日常生活，引起關注。

勝利表示妹妹就嚟生日，但以往送畀妹妹嘅衫、手袋、銀包等禮物都唔見佢用過，擔心妹妹唔鍾意自己買嘅嘢，所以決定約妹妹見面，並一齊去揀禮物，最終妹妹睇中最新款嘅樂器，雖然索價98萬韓圜(約6,869港元)，但勝利仍然出手闊綽。

之後兩人去到咖啡店休息，點知氣氛就開始好尷尬，原來係因為勝利好細個就以BIGBANG成員身份出道，好少同妹妹接觸，而導致兩兄妹關係疏離，相當可惜。雖然兩兄妹對話唔多，但私下都好關心對方，妹妹坦言：「因為啲人知道我係勝利個妹，驚自己做嘅事引起誤會，所以平時好在意別人嘅睇法，所做一切都好小心。」搞到勝利都好擔心妹妹。

更多韓流，喺晒《娛果》
http://fb.com/appledailyent