今日蘋果動新聞條片「咪神拋巨胸救叻哥 JJ地位不保?」,34E浸大咪神Carol(楊焉)出動巨乳浮碧波,半日已經吸引到逾30萬人次收看;蘋果網頁嘅報道亦有逾廿萬人次click入。估唔到Carol吸睛力真係咁強橫。如果按照電視台收視比率,Carol喺今日《蘋果》網站嘅收視率,已高達7點。高過亞視收視。
為饗讀者,特地搵番三年前Carol嗰本勁爆寫真《HUGE》(巨大),呢個名真係改得好,裡面嘅相片極度踩界,著住唔啱size嘅三點式泳衣(可能佢又係去到現場先知個bra嘅cup咁細),張張相都谷到盡;部份相片更全裸上陣,又玩滴汁,極度意淫,已經唔係欣賞人體美學咁簡單。
影完呢本寫真之後,Carol踩入電影圈,拍葉念琛執導嘅《婚前試愛》,凸點上陣同男主角羅頌謙激戰。不過可惜當年爆出「搵唔啱經理人」言論,結果觸怒佢嘅模特兒公司,慘被雪藏,Carol仲離開香港、去咗北京完成埋學業。
直至上年,Carol終於出櫃、加入叻哥陳百祥間公司,取代戀愛大過天嘅JJ賈曉晨做咪神一姐。唔知今年叻哥會唔會打本幫Carol出番本更「HUGE」嘅寫真集呢?