森美、黃翠如及江嘉敏等，今日出席大台劇集《過街英雄》拜神，劇中主角森美同黃翠如有唔小動作戲，還不時受傷。有場戲森美徒手擋木凳，木屑亂飛，仲入咗黃翠如眼內，翠如笑言：「最初有啲痛，又唔可以捽眼，睇嘢都有啲濛，不過後來冇事，仲覺得對眼大咗。」至於森美亦笑言因動作做得太好而俾武指讚：「但佢就話唔好做太好，因為擔心替身冇工開。」

另外，被指係余德丞正印女友嘅江嘉敏，問佢當日係咪有去醫院探「男友」，江嘉敏即否認：「我冇去過醫院，（冇去過醫院但係係正印？）唔係，唔好亂講，驚第時冇人追！」又拒談有否私下聯絡：「佢都報咗平安，出得院應該冇事啦，都應該平安同健康0架喇！」

精選娛聞，喺晒《娛果》
http://fb.com/appledailyent