生命無常，宇澄與病前判若兩人。宇澄媽媽痛心的說：「佢之前好靚仔、好活躍，從來無諗過佢會患呢個病。」宇澄中學畢業後便到髮型屋當學徒，任髮型師傅已20年，一向身體健康，萬料不到癌魔去年5月悄然降臨。宇澄媽憶述：「佢好似失咗平衡力，行路唔穩、連食飯揸筷子都有困難。」他到急症室求診，醫生即安排入院，磁力共振檢查赫然發現其左腦有大塊腫瘤，病情嚴重即安排切除手術，化驗更顯示屬惡性腫瘤。
宇澄雙親已分別73歲與63歲，原擔任保安員與酒樓侍應，被迫放棄工作，一家三口頓時加入失業軍，經濟陷入低谷，宇澄媽嘆道：「原本一家人生活算安穩，不過連續九個月冇收入後，積蓄好快已經用完。」宇澄爸爸也感慨：「我哋真係走投無路，更加唔想放棄個仔‥‥‥。」
遠親不如近鄰。有鄰居知悉宇澄患上重病，雪中送炭，鼓勵他們勇敢面對，「有鄰居知我哋冇錢，送咗啲健康食品畀我哋，我哋好感動；仲教我哋去社署申領援助，算暫時應付眼前難關。」

宇澄手術後接受了27次電療，目前需長期服用類固醇，受到藥物副作用影響，身高5呎5吋的他體重由110磅激增至近200磅。為他提供治療的伊利沙伯醫院承認，宇澄情況並不樂觀，不過4月底檢查顯示其腦腫瘤形狀及質量有減少，現只希望減慢其病情惡化。
愛兒患病，最痛心莫過於父母，宇澄媽哭着說：「醫生認為宇澄唔適合化療同標靶藥物，惟有煲多啲湯水同買啲健康食品畀佢，希望佢病情有好轉。我得佢一粒仔，冇諗過佢40歲咁後生患呢個病，家我惟有盡力而為。」不過一家人所獲援助入不敷支，還需靠親友賒借襄助。
「宇澄」捐款編號：C3058

蘋果日報慈善基金
電話：29908688
傳真：37112468
電郵：mailto:[email protected]
網址： http://charity.appledaily.com.hk

蘋果日報慈善基金乃根據《稅務條例》第88條獲豁免繳稅的慈善機構

收捐款戶口
恒生銀行：368-006565-001
中國銀行：012-898-00067655
滙豐銀行：580-198836-001
渣打銀行：447-0-667059-3