【潮界開眼】搶先見NBA「The City」波衫 騎士細節有驚喜

蘋果日報 2017/12/30 11:03

字母哥NBAKobe大帝球衣
    全新旅遊專頁，即like籽想旅行： https://fb.com/travel.appleseed
    有留意NBA的球迷或者都知道，今季的NBA波衫已經由A字頭變成N字頭，設計靚唔靚就各有喜好喇，不過加入NikeConnect嘅新玩法又的確有趣兼有新意。而作為球迷，其實有咩玩都係假，最重要都係買到自己的愛隊和球星，但始終係新接手，Nike球衣在香港暫時都係選擇不多，主要都係大路球星。好彩記者剛剛參與了Nike的睇波活動，就發現了好消息，活動現場已發現了美國幾日先公佈的「The City」系列球衣實物，快手程度絕對要一讚。其中最吸引的，個人覺得就是「THE LAND」的騎士隊衫，首先記者要利申絕對唔like大帝James，不過呢件波衫用上灰色主色，配上黑色和黃色邊，設計相當有型靚仔，再加上兩邊側邊都有盾形隊徽，可見有花心思在細節之上，非常值得期待。
    另外，現場還展示出公鹿和火箭隊的「The City」系列球衣，前者早就有不少身邊波友話靚，正等待入手，實物亦相當正不俗，顏色特別，亦頗有classic感覺，加上字母哥今季大熱，相信會是搶手貨。不過火箭隊那件就……設計冇乜特別，只係換上中文字「火箭」，真係唔太識欣賞。另外OKC、Nets等球隊，雖然未見實物，但都有相睇，相信好快就會在香港正式上架，球迷都係乖乖準備好彈藥！個人就最最最期待Kobe有份設計的Lakers「The City」球衣，希望都有機會返貨喇。其實講到今季買NBA波衫，球迷版$599價位算幾吸引，球員版$1,299就更加係抵玩，而家仲加速入新款，真是球迷之福！
    記者、攝影：韓繼聰
    【minigame】2017瘋暈人物 返工打機唔使擇日
    http://bit.ly/2CeWQkP
    empty
    「The City」系列「THE LAND」的騎士隊衫，用上灰色主色，配上黑色和黃色邊，實物相當有型靚仔，記者唔係大帝fans都有點心動。
    empty
    兩邊側邊都有盾形隊徽，可見有花心思在細節之上，非常值得期待。
    empty
    今季的NBA波衫已經由A字頭變成N字頭，設計靚唔靚就各有喜好喇，不過加入NikeConnect嘅新玩法又的確有趣兼有新意。
    empty
    不少身邊波友都話這件公鹿「The City」系列球衣靚，正等待入手，實物亦相當正不俗，顏色特別，亦頗有classic感覺。
    empty
    「The City」火箭隊波衫就冇乜驚喜，設計同普通款差不多。
    empty
    中文火箭隊名，如果配上周琦，感覺就夠晒中國！
    empty
    「The City」系列中記者最愛最期待Kobe有份設計的Lakers球衣，黑黃蛇皮紋，型到喊！如果香港都返貨就好喇！
    empty
    講到今季買NBA波衫，球迷版$599價位算幾吸引，球員版$1,299就更加係抵玩，而家仲加速入新款，真是球迷之福！