【ecjobs青雲路】學室外綠化空間設計 做園境設計師
蘋果日報 2018/03/05 10:00
青雲路
於課程中，學員需要製作並設計單位、地形、公共藝術設施及住宅等類型的模型。
要在石屎森林中找一片綠洲，是何其困難的事。為了讓城市保持綠色的休憩空間，政府規定每個建築項目，都要有綠化的一環，採用花園、涼亭、樹木種植及小路等設計，按大小比例達到一定的綠化率。設計室外綠化空間便是園境設計師的工作，因市場上對園境設計師的需求漸漸提高，坊間有不少機構開辦了有關園境設計的課程，讓有意入行者認識各種植物及園境設施的配搭，並配合市民的生活，營造更適合居住的環境。
園境建築主要是設計建築物以外的空間，包括地面、排水、花園、戶外遊樂設施及休憩地方等項目，課程高級講導Amy表示：「公路兩邊及斜坡面嘅綠化帶，都屬於園境建築嘅一環。近年環保議題備受關注，好多建築項目都好注重園境設計，而園境設計師需要了解建築物嘅結構，仲要同建築師及工程師溝通配合，造出方便用家又配合建築嘅園境設施。」
不同植物不同應用
學員需要學習使用不同種類的植物及設施配搭，應用到不同的建築上，Amy說：「香港嘅樹木可分常綠及落葉類，常見嘅有洋紫荊、樟木、細葉欖仁及鳳凰木等。商業區嘅商場門口，唔可以用大樹，因為會遮住招牌，呢啲情況用細葉欖仁會係唔錯嘅選擇，葉唔大及有層次。相反，如果設計花園或公園，要以自然為主要元素，採用大樹提供樹蔭會比較適合。」
學員需要學習使用不同種類的植物及設施配搭，應用到不同的建築上，Amy說：「香港嘅樹木可分常綠及落葉類，常見嘅有洋紫荊、樟木、細葉欖仁及鳳凰木等。商業區嘅商場門口，唔可以用大樹，因為會遮住招牌，呢啲情況用細葉欖仁會係唔錯嘅選擇，葉唔大及有層次。相反，如果設計花園或公園，要以自然為主要元素，採用大樹提供樹蔭會比較適合。」
此外，園境設計師還需要考慮項目的屬性而設計，如以單身人士為主的納米樓，園境設施可以着重視覺元素，簡潔為主。如應用在家庭式住宅，則建議設計較多戶外配套，包括游泳池及大草坪，讓小朋友有足夠空間活動。
完成5個模擬項目
Amy表示課程為期兩年，設有5個學期，學員最少會完成5個模擬設計項目，由資料搜集、繪畫草圖、製作模型及講解都一手一腳包辦。「我哋會根據製作主題，帶學員實地考察，好似有次做灣仔公園空間，我哋考察時會留意該區主要係乜嘢年齡層使用公園及有乜嘢需要，先可以做到切合需求嘅設計。例如該區比較多小朋友，就可以諗吓以STEM概念設計遊樂設施，融入互動嘅科學及數學，綠化之餘，都要與時並進。」
Amy表示課程為期兩年，設有5個學期，學員最少會完成5個模擬設計項目，由資料搜集、繪畫草圖、製作模型及講解都一手一腳包辦。「我哋會根據製作主題，帶學員實地考察，好似有次做灣仔公園空間，我哋考察時會留意該區主要係乜嘢年齡層使用公園及有乜嘢需要，先可以做到切合需求嘅設計。例如該區比較多小朋友，就可以諗吓以STEM概念設計遊樂設施，融入互動嘅科學及數學，綠化之餘，都要與時並進。」
Amy指學員需完成最少90小時實習才可以畢業，畢業生多到園境設計公司、建築公司、工程公司及發展商工作，由園境建築助理做起，月薪約$10,000至12,000。
搵好工，即上www.ecjobs.com.hk
在課堂上，除了會教授學員製作模型及設計知識外，導師Amy更會帶他們實地瞭解各種園境設計，「即使學校內都會搵到園境設計，好似我哋身後呢個休憩位，用咗洋紫荊及灌木，有大樹提供樹蔭，自然感覺會重啲。」
學員Hugo表示最初用手繪畫設計圖時不太習慣，「雖然之後有教我哋用AutoCad、Sketchup及Photoshop等電腦軟件畫圖，但手繪設計圖着重意念表達，係必備嘅技能，我都用咗好多時間去練習。」
Amy指學員會製作很多實物模型，大多會使用咭紙、木及亞加力膠等物料。圖為學員製作的樂園模型。
導師Amy表示：「每個學期都設有design studio科，即由學員一手一腳，從資料搜集到製作做一個project，當中要應用課堂上學到嘅環保、生態及空間設計知識。製作模型時，學校會提供laser cut及papercut等工具畀學員使用。」
學員Hugo表示：「我讀緊yr.2，去年暑假去咗南京嘅一間園境設計公司實習，睇咗好多當地嘅園林設計，融入咗生態圈及水流等元素，睇咗一步一步建構嘅過程，真係好有興趣，希望自己有所進步。」
學員Sam表示：「我上年去咗挪威exchange半年，參加Disney ImagiNations HK Design Competition，係一次好好嘅經驗。是次主題係為樂園設計一個新園區或全新樂園，我要先了解當地嘅地形及客人以乜嘢類型為主。與香港唔同，挪威嘅土地較多，所以設計上會有更大嘅發揮空間。