當年今日
關於我們

窩輪搏擊:聯通博反彈 吼5569 - 俊樺

蘋果日報 2007/11/19 00:00


上個禮拜尾股民好擔心國內周末會加息,所以國企股腳軟,結果人行未見有動靜,上個禮拜五花旗股市又反彈,港股今日係咪會有運行,好快就知。
不過突然爆咗單「地下錢莊」案,仲傳中石化(386)同中石油(857)牽涉其中,唔知對A股有冇影響,開市後都係睇清楚先做嘢。
睇番個大市,值博嘅股份唔係好多,就算有,都要採取穩中求勝嘅策略,因為𠵱家花旗股市唔掂,國內股市又有顯著調整嘅風險,唔可以太搏命,電訊股呢個禮拜或者會造好啲,可以留意呢類股份。
聯通C輪5569:聯通(762)上周五報收15.26元,補番之前嘅裂口高收,如果升返上15.5元樓上收市,有機會升破10日線,上試18元,可以諗吓隻C輪5569,現價34仙,有效槓桿率2.8倍,正股升上18元,5569應該唔會低過53仙,正股跌穿14元止蝕。
empty