韓國大勢女團TWICE出道不足兩年，人氣直逼女子天團少女時代，近日TWICE更進軍日本，當中佢哋喺日本推出嘅精選專輯《#TWICE》，已經連續三日登上日本Oricon榜亞軍，現時累積銷量已逾9萬張，成續相當不錯。

TWICE今日就現身涉谷佢哋嘅Pop up store，引來唔少日迷支持，而噚晚佢哋就首次亮相日本朝日電視台嘅音樂節目《Music Station》，並喺現場獻唱佢哋首人氣作品《TT》嘅日文版。

由於TWICE當中有三名日本成員，所以TWICE等人先以日文同大家打招呼，之後就由三名日本成員發言，談及佢哋嘅入行經過，又教大家睇做「TT」手勢，現場嘅藝人都爭住學。