泰國電影一向有捧場客，自從2000年嘅《人妖打排球》令香港人對泰片開始改觀，當年喺香港累積逾千五萬票房，呢個神話似乎前無古人亦後無來者。

多得《人妖打排球》，令本地影迷開始對泰片信心大增，過去十幾年唔同片種嘅泰國猛片先後登陸香港，《拳霸》、《冬蔭功》、《四條大路通陰間》、《小情人》、《嚇鬼阿嫂》等都贏得極佳口碑，更有唔錯嘅票房成績，最近更一次過有幾套泰片殺到，分別係題材新鮮嘅校園喜劇《出貓特攻隊》，仲有愛情片《戀愛病發》及《容易受傷的男人》，咁啱兩片都係由《我很好...愛死你》男主角Sunny Suwanmethanont擔正，當中《戀愛病發》上周香港開畫後反應相當唔錯，由《嚇鬼阿嫂》女星Davika Hoorne飾演嘅靚女醫生，電影自然更添可觀性。