趙頌茹、鍾舒漫、張志恆今日喺科學園舉行慈善起步行嘅時候，同一班參加人仕進行兩人三足儀式，喻意大家為慈善同心協力，日前再傳出吳浩康求婚成功，女主角鍾舒漫被問到是否準備出嫁，佢話：「真係唔係，回應過好多次，我都係覺得呢啲係兩個人嘅嘢，好似成日被公開咁，變成好唔私人嘅事，呢方面我範疇係需要，若果係事實我哋會透過公司或者我哋自己公佈。」講到男友同兩女夜浦，佢指兩女係公司秘書，佢事前知道大家相約去派對慶祝。


問到身旁張志恒會否爬頭比鍾舒漫更早結婚，佢話：「做好工作先，0依家樓價物價都咁貴。」對於女友日前試泳衣被影到，佢覺得試泳衣係正常事，問到會唔會唔畀女朋友性感出騷？佢話：「我唔會囉，健康性感係可以，佢自己會識衡量。」