難忘《3D肉蒲團》創新招
馮仁昭四圍超：周防雪子吊威吔做愛最激 - 馮仁昭

蘋果日報 2011/04/12 00:00

號稱全球首部3D立體情慾戲嘅《3D肉蒲團之極樂寶鑑》後日上映，身為演員嘅周防雪子嚟咗香港瞓身宣傳，佢係日本專業嘅AV女優，但佢對於要喺《3D肉蒲團》入面吊威吔做愛都話大開眼界，仲話同日本傳媒分享過呢次經驗㖭！
周防雪子噚日同戲中拍檔何華超喺灣仔電影公司為套戲宣傳，戲中周防雪子會俾何華超性虐待至死，噚日佢兩個不知幾入戲，又攬又瞓，何華超仲對周防雪子讚不絕口。
身為專業AV女優嘅周防雪子喺日本拍過唔少打真軍AV，仲話自己任何體位都試過，點知今次拍《3D肉蒲團》時竟然要吊威吔做愛，佢話：「最深刻係飛住嚟做，拍咁多AV都冇諗過可以咁，我同日本傳媒都分享咗呢次經歷。」
empty
周防雪子奮力拋胸，為新片瞓身宣傳。
攝影：陳慧安
empty
周防雪子讚何華超憐香惜玉，仲話會為佢按摩減壓。
empty
周防雪子喺《3D肉蒲團》入面俾何華超性虐至死，令觀眾血脈沸騰。劇照
何華超失性趣
《3D肉蒲團》大賣暴力色情，其中一場講周防雪子同何華超要喺床上肉搏嘅戲，竟然需要武術指導協助配合高難度動作，何華超話：「激到翻咗個觔斗反落床，佢都有少少受傷。」何華超仲話初時見到好多裸女喺片場走嚟走去都會同大家討論邊個身材好，過咗兩日已經冇晒感覺缺乏性趣。