【數據唔呃人】刑滿復出例有馬贏!田泰安孖住蘇保羅又有「路」走
田泰安蘇保羅刑滿復出禾道駒三圓䮭路勝利在手醒旺財
田泰安前一次停賽期滿復出,當時佢有幾匹座騎一心係等佢復出才報名跑,結果當日佢憑「韋小寶」及「幸福笑容」起孖。
上次刑滿復出又憑「韋小寶」交出頭馬,今次(18日)谷戰當然值得追捧,何況田泰安會於3月25日再停賽一天,今戰遂更加有鬥志。
其中,蘇保羅馬房「三圓䮭路」一如「韋小寶」,更是有心部署等田泰安停賽復出才跑。
此駒上仗由田泰安於四班田草1400米勝出,剛戰正是有同班同程,但居然不跑,刻意報跑周三谷草四班1650米,並打王牌上陣,戰意可想而知。
呂廐「勝利在手」之前已連續兩仗於谷草1200米同程勝出,演出大有進步,上仗田泰安揀騎「加州得迅」,才由巴度接手落敗。
韋廐「醒旺財」上仗在港初出熱倒,今戰改爭谷草,賽前曾由田泰安出試谷草1200米大閘一放到底而回,並取得眼罩測試及格後隨即報跑今戰,當然亦不宜忽視。
仲有東廐「禾道駒」亦有心等埋田泰安先跑,呢匹谷草1200米怪傑,先後取得五冠三亞三季佳績,如果步速扯快,有權再次後上殺晒。
-------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度 ------------------
《果GYM》隨身播 健身壹App過!
一按即玩