政府上星期公佈，深港合作發展落馬洲河套區建創科園，由科技園公司成立嘅附屬公司負責。科技園行政總裁黃克強似乎好心急，佢同八方講，早幾日親自揸車去咗視察，仲話喺沙田科技園揸20分鐘車就到，好近咁話喎。跑開馬拉松嘅佢又話，如果好力嘅話，仲可以由皇崗由小路行入去！

咁八方問佢，入到去有乜睇？佢就話「咩都冇，得啲民居，遲吓要做平整工程」！佢話嚟緊科技園好忙，要籌備工作小組，傾下增加人手！