韓劇《Doctors》男星近日為宣傳新片《犧牲復活報告書》，佢喺前日播出嘅JTBC綜藝節目《請給一頓飯show》中就大談感情事。

當日金來沅就同片中女星金海淑一齊受訪，金來沅同金海淑先後合作過三部作品，所以感情好好，金海淑仲當正金來沅係親生仔一樣。而節目上金來沅就爆料話，原來金海淑前輩一直向佢推介女演員，佢話：「前輩一直到去年都不斷話邊個邊個女演員幾好，不時將同佢合作嘅女演員介紹畀我。」唔知係唔係次次金來沅都冇行動，所以金來沅話0依家前輩已經唔再介紹畀佢了。

金海淑就大讚金來沅可以做一個好好嘅老公，但似乎佢就冇結婚嘅打算。

事實上，金來沅嘅緋聞唔算多，曾直認有個OL女友，去年同朴信惠喺《Doctors》中因為不時咀嘴，唔少粉絲都希望佢哋成為一對，金海淑同朴信惠又合作過《愛上Pinocchio》，唔知有冇都推薦朴信惠畀金來沅呢？