日本AKB48參與嘅韓國選秀節目《PRODUCE 48》噚日終於首播，96名練習生分別來自南韓藝能事務所及日本AKB家族，雖然日本成員已經出道，但始終日韓偶像文化差異頗大，在第一集節目中，多位日本選手都因實力不足，被分到等級最低嘅F班，輪到HKT48成員表演時，其他日本練習生表示：「HKT48的演唱會很有趣，觀眾反應都很熱烈，應該可以去A班。」但到頭來日本練習生受到南韓導師勁彈：「妳們⋯⋯這樣子實力是怎麼被選上的呢？哇，真是文化衝擊。」搞到一班日本妹妹仔都不禁落淚，現場成為一片淚海。

節目中，最受矚目嘅當然係HKT48主將宮脇咲良同埋SKE48一姐松井珠理奈，雖然《PRODUCE 48》只有南韓觀眾能參與投票，但第一集投票結果，宮脇咲良就奪得第一名，可見佢有一定支持者，而宮脇咲良上台前表示：「F班都是日本人⋯⋯」至於21歲嘅松井珠理奈已出道十年，首集戰況中佢暫排第四位，而十大只得三個日本代表，NMB48嘅白間美瑠佔第九位。

精選娛聞，喺晒《娛果》
http://fb.com/appledailyent