雖然不致一言興邦、一言喪邦，但亦足以一言喪市、一言興市矣！何出此言？
瞧瞧被市場譏為3條「B」──BumblingBenBernanke，即語無倫次的賓．伯南克，早前因市場聽唔清楚佢老哥的意思而「借機」先「隊」為快，導致「金融市場沖個靚涼」（6月15日欄題）。然則Ben哥經檢討後，說話清晰兼鏗鏘有聲，個個心領神會，返回遊樂場再玩過。
昨日伯南克在出席芝加哥經濟俱樂部發表演說時指，儘管能源價格短期可能影響整體價格水平上升，從而令致經濟或放緩，不過長期而言是可受控的。此外近期衡量通脹的數據似有惡化迹象，但亦處於近年的範圍之內，意謂通脹受控，也未見肆虐者。

Ben哥大派定心丸

Ben哥大派定心丸，投資者當然放下心頭大石，加上剛公布的經濟數據或調查報告，如新申請失業援助人數（減少8000人）、紐約和費城聯儲銀行發表的6月綜合經濟指數，在市場預期兩區數字都是11的情況下，前者竟然彈出個29、後者亦錄得13.1，意味經濟動力依然強勁，汝道投資者又怎不表現如執輸行頭？
有不少朋友語在下，說看這篇文章要費神去諗。哈哈，這樣才有風格，說得太白，有啥意思？
其實這點早已講過，筆者不是「吹水」，如果能夠「心領神會」，6月15日篇文一出，讀者/投資者便已動腦筋了，難道「沖」完個靚「涼」，會跳番落「屎氹」乎？梗係再嚟「蒲」過啦！如果遲遲唔沖涼，「漚」多幾個月才發出來，這臭味肯定熏天者，現在身光頸靚，邊個敢睇唔「起」？
可能冠一做人心地好，連個天也眷顧，故此每有神來之筆。這次「上帝」手下留情，「魔鬼」當然雀躍已！
王冠一