婚後嘅王菀之（Ivana）早前俾人話佢肥咗，仲懷疑佢有咗BB，今日佢去商台宣傳新歌，見佢明顯瘦左啲，Ivana就話有做運動，因為應承咗老公，至於係咪想健康啲生BB，佢話唔係為咗咁，同老公都希望大家身體健康。

近來Ivana似足家庭主婦咁做家務，仲話接工作盡量唔會離開香港太耐，閒來學日文同捉精靈好積極，話將來去日本可用，佢仲笑話:「細個時有日本人覺得我似某個日本AV女優。」