韓劇《3days》女星蘇怡賢去年10月跟男星印喬鎮結婚，5月時二人傳出好消息，表示榮升做準父母，夫妻二人下月就即將迎接新生命，早前佢哋就舉行咗一個預祝BB出世嘅派對，蘇怡賢更穿上白色連身裙騷大肚，大晒幸福。

今日，蘇怡賢於Instagram公開一張跟老公印喬鎮嘅合照，照片中蘇怡賢夫婦手拎印有「開心」嘅字牌，跟朋友一齊露出燦爛笑容，蘇怡賢更留言：「我最親愛的人，我最珍貴的人，感謝你哋相伴我左右。」

另外，早前加盟綜藝節目《超人回來了》嘅女星鄭詩雅，噚日於Instagram公開跟囡囡瑞雨嘅溫馨合照。