現年38歲嘅韓國性感歌姬李孝利，事隔四年再推出新專輯，近日頻頻演出節目宣傳新碟，今日佢就現身KBS錄影綜藝節目《Happy Together 3》，不過李孝利今日就素顏現身，驚現魚尾紋及厚眼袋，完全有別於之前拍攝雜誌及專輯相時嘅靚樣。

雖然李孝利今日明顯跌watt，而且又穿上鬆身衫及褲遮掩弗爆身材，不過李孝利今日心情非常好，見到粉絲及傳媒時不停揮手及派心心，就算笑到現魚尾紋都完全唔介意，非常有自信。