台灣藝人賀軍翔(小美)今年6月就突然自爆已榮升做人夫同老竇，囡囡叫做美寶(新聞連結： http://bit.ly/2kiGQFY )，但係上月佢就俾台灣傳媒爆佢同前女團「Ciao俏女孩」成員波波蓁，過從甚密，之後波波蓁更向傳媒爆料當晚小美同另一台灣藝人張勛傑曾到佢屋企作客兩小時，仲話自己飲到斷晒片，咩都唔記得，佢咁講真係有好多想像空間喎！

而人夫小美噚日喺台北出席活動時，首度親自回應事件，佢強調好明顯係有人刻意炒作，仲話以後出去要過濾朋友㖭！

小美講番事件，佢話當日只係為林佑威慶生，波波蓁就係張勛傑嘅朋友，佢同波波蓁只係第二次見面，但完全沒有交集，認為是有心人士刻意炒作。事後，波波蓁曾指不會介入別人家庭，又話小美同與張勛傑去過佢屋企，對此，小美好不滿咁話：「我真的不明白她為何要講這些，我跟她不熟，心態可議。」

至於老婆嘅反應？小美話：「她就是覺得怎麼有人可以無中生有？真的可以適可而止！」是否覺得人夫、人父形象大傷？他嬲豬咁話：「現在媒體怎麼都沒有求證，真的很病態！」小美亦認為張勛傑先係事件主角，而張勛傑亦對他表示抱歉，小美苦笑話：「只能說防人之心不可無，下次可能要盡量請朋友過濾朋友了。」

講到之前有報道指佢同鍾欣潼(阿嬌)合作新戲《動物系戀人啊》時，因不滿阿嬌表現而爆粗，搞到阿嬌喊唔停(新聞連結： http://bit.ly/2A7uiYC )一事，被問到係咪流年不利，小美笑說：「那我該去拜拜(神)了。」

更多娛聞，喺晒《娛果》
http://fb.com/appledailyent