【李八方online】缺席唔撐預算案?劉江華去咗泰國聽音樂
劉江華預算案李八方
劉江華(中)喺曼谷中國文化中心欣賞香港年輕音樂家演出。政府新聞處圖片
當特首林鄭月娥都讚好新一份預算案,民政事務局局長劉江華噚日竟然唔見人,冇現身聽財爺陳茂波宣讀娥班子內處男作,食咗豹子膽乎?
又講真,嚟自民建聯,邊有作反嘅基因?查實劉江華係去咗泰國訪問,噚日就同泰國文化部部長Vira Rojpojchanarat會面,簽署文化合作備忘錄,佢話呢次備忘錄再加上去年同東南亞國家聯盟簽訂嘅自由貿易協定,為香港喺「一帶一路」框架下創建咗有利環境,香港特區政府亦即將喺泰國成立經濟貿易辦事處。
民政局掌管體育同文化,所以劉江華此行都同泰國旅遊及體育部部長顧問Apichart Chirabandhu會面,分享推動體育發展嘅經驗,同時參觀泰國體育局,了解足球同排球訓練情況,夜晚則喺曼谷中國文化中心欣賞兩名香港年輕音樂家陳壁沁同何卓彥及其團隊嘅演出,同逾300名觀眾沉醉喺美妙樂曲中。
訪問泰國其間亦參觀咗泰國體育局,了解排球同足球嘅訓練情況。