【迷你兵做媒？】天海祐希同真田廣之爆戀情
蘋果日報 2015/09/03 06:00
蘋果即時真田廣之天海祐希迷你兵團Minions女性SEVEN
48歲嘅天海祐希同53歲嘅真田廣之，突然爆出戀情。- 天海（左二）同真田（右二）今年齊齊出席咗《迷你兵團》美國首映，仲因為一齊配音而培養出感情。
- 喺美國發展嘅真田，因為英文了得，介紹天海畀姍迪娜布洛識。
- 佢兩個已經識咗廿幾年，家先至傳戀情。
- 天海同真田拍拖，迷你兵可以話係媒人。
日本女星天海祐希48歲人仍然未婚，喺日本算係少見。經常扮演女強人嘅天海，好難得咁傳出緋聞，今日出版嘅八卦雜誌《女性SEVEN》就話佢同喺美國發展嘅真田廣之近日擦出愛火花，竟然係關《迷你兵團》（Minions）事？！
《女性SEVEN》報導指今年開始，多次有人見到天海同真田相約撐枱腳，由於真田近年都喺美國發展，每年返日本3、4次左右，每次都有人話見到佢哋約會，更有人指喺美國都見過佢哋兩個飯局。該周刊話佢哋雖然已經係識咗廿幾年嘅老友，不過，今年因為天海同真田都要為日本版《迷你兵團》配音，多咗好多接觸機會，而且天海獲邀到美國同美版配音嘅姍迪娜布洛（SandraBullock）齊齊出席《迷你兵團》首映，於是喺美國期間，天海就好多機會同真田一齊，因而陪養出感情，咁係咪要多謝迷你兵做媒人呢？不過，佢哋嘅事務所又話兩人識咗幾十年，只係老友食下飯咁，唔係拍拖喎。
《女性SEVEN》報導指今年開始，多次有人見到天海同真田相約撐枱腳，由於真田近年都喺美國發展，每年返日本3、4次左右，每次都有人話見到佢哋約會，更有人指喺美國都見過佢哋兩個飯局。該周刊話佢哋雖然已經係識咗廿幾年嘅老友，不過，今年因為天海同真田都要為日本版《迷你兵團》配音，多咗好多接觸機會，而且天海獲邀到美國同美版配音嘅姍迪娜布洛（SandraBullock）齊齊出席《迷你兵團》首映，於是喺美國期間，天海就好多機會同真田一齊，因而陪養出感情，咁係咪要多謝迷你兵做媒人呢？不過，佢哋嘅事務所又話兩人識咗幾十年，只係老友食下飯咁，唔係拍拖喎。