【新增內容】

李克勤成銷量歌手大獎男歌手得獎者，佢話：「多謝港台同英皇，今日好得意，今年係金曲40周年，頒獎同唱歌係分開兩日，平時表演歌，今日表演講多謝，我今日開始表演喇。」至於女歌手得獎者係容祖兒，雖然佢缺席頒獎禮，但今次已經係佢15年霸。組合得獎者係Twins。

克勤今日仲係大贏家，攞咗三個獎，問到佢會唔會覺得唔圓滿，因為今年嘅頒獎禮分開咗兩日舉行，克勤就話：「冇所謂啦，緊張多一次，到時都會打頭陣唱歌，唱《一生不變》。今日攞十優嘅時候，都有滴汗，因為其他得獎者都好後生。」

鍾舒漫呢日攞咗進步獎，佢就話其實一年內嘅努力得自己知，但當攞到獎嘅時候，就即係其他人都知。鍾舒漫早前聲帶受傷，依家食緊藥等慢慢好番，不過唱歌都有啲吃力。

更多娛聞，喺晒《娛果》
http://fb.com/appledailyent