有立法會議員形容,最近個多月政府可謂「頭頭碰着黑」,「先係銷售稅搞到政府支持度係咁跌,之後又搞單何俊仁遇襲,特首話就話追到天涯海角拉人,但係萬一遲遲破唔到案,政府肯定又失分。」有官員對他說,今次偷拍事件,起碼可以暫時轉移公眾視線,「起碼轉移吓公眾討論焦點,唔好見親都問政府,幾時拉到打何俊仁個真兇,點解仲未破案?等政府可以透吓氣!」
另一熟識曾蔭權的議員也說,曾深懂「借東風」、「食住上」,「當年公眾、輿論好反對立法(防止偷拍),最後政府被迫暫時唔再攞出嚟傾,其實當時政府內部係有人好想做,包括曾蔭權在內,𠵱家佢可以借今次機會,將條法例『翻生』,可謂一舉兩得。」
本報記者