早排告達理有多駒流失，較矚目係「香江穩勝」、「香江新星」與「香江永勝」分別轉投蘇保羅及阿Chris蘇偉賢，但馬主陳志明之決定，並冇影響佢老友任澤明同三個仔女的意向，不過任家的「包勝」及「飛馬看花」，來港前上手馬主就係陳志明，牽一髮動全身之道理，大告又點會唔知？
「飛馬看花」暫時分文獎金都冇，而周一(28日)有份出賽的「包勝」自上年三月後，已一年再冇贏，最叻一次第二係49倍大冷，話有把握都冇人信。為穩定軍心，「包勝」力求重開勝門係當務之急，今戰係季內首度跑番勝途1400米，擺明鬥志如虹！