不說不知，原來宇宙船第一間店舖是在旺角麥花臣球場附近、有「影印商場」之稱的得寶大廈商場。動漫雜誌前總編朱永佳（Ray）就說當年旺角玩具店比較分散，勝利道、廣華街一帶皆是動漫迷蒲點。宇宙船能成為一代icon，Ray指他們反應快、眼光獨到，「佢入到一啲人哋無嘅貨，好賣自然個價都會高，玩具迷幾貴都會上去俾佢掠，或者因為咁大家起咗個花名，叫佢『賊船』。」他續指大舖式微原因很多，近年玩具店面對網購、日圓匯率浮動等問題，不少老店都做不住，但又不代表玩具店衰落，只是規模比較小，甚至以網店、樓上店形式營運。

女動漫迷賴可恩（Peggy）讀書時期開始蒲旺角玩具店，她覺得以前店舖比較多元化，「女仔唔玩模型玩具，但我就鍾意日本動漫啲書同精品。」帶來的收藏品中都購自宇宙船，月曆和文具都有，相對之下現在的玩具店比較集中售賣模型和figure，「以前行旺角可以行成日，唔只玩具舖，樓上書店依家都少咗。」

前動漫雜誌《A-Club》編輯簡偉文（David）則認為玩具店由大變小是一個演化過程，「八、九十年代動漫生意像舊式公司，用一大筆資金落單入貨。後來有人坐飛機走水貨，到網絡代購。做動漫生意係越拆越細，小規模至格仔舖都做到，大舖好難做。」不過就覺得網購不能完全取代實體店，玩具迷享受和別人分享心頭好，落店除了格價也會打躉閒聊，這種銷售體驗是不能取代的。不過他就偏愛九十年代的動漫玩具店，百花齊放較有特色，「可能那時租金比較平，店員特別多時間同客人傾偈，久而久之就變咗專賣某一類型嘅產品。有啲係細路舖，有啲就賣模型，同o依家好唔同。」

資深動漫迷分享過新舊玩具店不同，新一輩也有看法。90後幪面超人fans大和與他的朋友均對宇宙船等大店印象一般，覺得價錢貴，店員也比較冷漠。除了售價，和店舖人員交流也會影響他的購物選擇，「識得啲老闆可以畀我由晏晝hea到夜晚，除咗玩具，佢哋都好熟作品內容，會傾下好唔好睇。」不過也對玩具店執笠感到可惜，近年他也有感玩具店生意難做，以現時點為例，賣LEGO的店舖在近年大增，有賣幪面超人產品的店舖則至少執了4間，「一條400、500元的變身腰帶炒高200、300蚊都好常見，都驚越嚟越少舖頭，價格被壟斷會越炒越貴。」

記者親身走訪信和商場和現時點，玩具店數目和一年前相若，現時點更少了吉舖，場內以LEGO店最多。宇宙船結束分店，似乎只是個別事件。不過也有店主表示行內競爭激烈，偶有具爭議性的經營手法出現，假如熱賣商品到貨後，店舖寧願以炒價發售，也不留給預早以較低價落訂的顧客。舊式大型玩具店要轉型，新的個體戶玩具店面對的困難也不少。

記者：司徒港燊
攝影：楊錦文