一年一度的六合彩中秋金多寶今晚（20日）開獎，亦是今年第107期攪珠，這次多寶金額為6,000萬，馬會估計頭獎基金高達8,000萬；截止受注時間為晚上9時15分，9時30分開獎。

中秋金多寶至今已舉行三十三次，最特別是自從1997年以來，至今連續二十一年同期均有4字頭大冧巴上名；既然有強勁數據支持，今次如想提高中巨獎機會，計落應向40至49範圍埋手。

根據馬會資料顯示，1997年至今的中秋金多寶開獎結果中，同類分子以43的成績最標青，期間六度開出，上名率冠絕同群，今期不妨揀這個綠波做膽。

此外，48在最近二十期內攪出五次之多，既然期間有號碼試過連開四次，這次隨時輪到它照辦煮碗，值得作為副選。

另一方面，今年為戊戌狗年，翻查過去兩次狗年的中秋金多寶開獎紀錄（1994及2006年），發覺原來每次都有18露面，兼且這個紅波剛在上期攪出，有路可捉要做配腳，希望大家齊齊「實發」。