由馮德倫執導、劉德華、尚連奴（Jean Reno）、舒淇主演的電影《俠盜聯盟》將於本月底在港上映。年初因拍廣告受傷而養病超過半年的劉德華，更為此片宣傳而復出，後日（8日）會在北京出席記者會。（新聞連結： http://bit.ly/2fhG64Z ）

早前馮德倫接受《蘋果》獨家電話訪問時，自言由細到大已經很喜歡劉德華和尚連奴，他說：「劉德華都知道嘅，我好鍾意佢套《神鵰俠侶》，仲剪輯埋以前啲錄影帶畀佢，仲有佢演嘅『華Dee』角色都好經典。尚連奴就唔使講，係佢套《這個殺手不太冷》（Léon: The Professional），佢套《夜海傾情》（The Big Blue）都好欣賞。」馮德倫透露在戲中加入不少劉德華和尚連奴的獨有風格，如劉德華加了幾場開電單車的戲，尚連奴就是揸槍動作：「開頭唔知佢哋會演，知道之後加嘅，希望將角色感覺帶到畀觀眾，有一份親切感。華仔開電單車、尚連奴揸住支槍點拍都好睇。」至於馮德倫最印象深刻的一場，是他跟張靜初在咖啡室的讀白，解釋為何一定要捉到劉德華的戲。

馮德倫笑言尚連奴在歐洲特別多人認識，無論去到哪裏都有人追住要求簽名，最搞笑是有一場在真正監獄前拍的戲，馮德倫說：「嗰日真係一間監獄外圍拍，其實已經隔好遠，唔知入面啲犯人點解會知道尚連奴喺度，好遠都聽到佢哋喺度大叫『Jean Reno』，好搞笑！」

另外，拍攝時劉德華和尚連奴跟一班工作人員給了導演一個驚喜派對，馮德倫笑說：「有日拍拍吓戲，佢哋係另一邊set咗張枱，跟住唱生日歌，有兩個巨星同我慶祝，梗係開心！收到個俄羅斯娃娃畫咗我個樣，仲越開越有，劉生在現場配合製造氣氛，成日叫『呢邊呢邊，影相』，佢仲幫我攞鉸剪剪禮物。」馮德偷更透露，最令他感動的是劉德華專誠在英國了一對限量版波鞋給他。

採訪：李森