大搜捕｜陳皓桓堅持信念不後悔 希望港人團結一致
陳皓桓大搜捕
警方今日突然採取
大搜捕行動，拘捕8名民主派人士，包括新任民陣召集人陳皓桓。陳皓桓扣查近6小時獲准保釋，他聲言不會因此退縮，寄語港人團結一致堅持到底。
陳皓桓於中午12時25分離開荃灣警署，他表示警方指他於今年6月30日及7月1日，涉嫌煽惑他人參與未經批准集結、明知而參與未經批准集結及組織未經批准集結，已經落案起訴，現時獲准以1千元保釋外出，與其他被捕人士一樣，於下周四（17日）在西九龍裁判法院提堂。
陳皓桓批評當局，由本月1日開始「不停不停去打壓，黃之鋒、周庭、林朗賢、黎智英等，被捕、被控、還押，以莫須有罪名，不停迫壓異己。」他強烈譴責政府不停打壓香港市民，「根據基本法27條，香港永久性居民享有嘅自由，係包括遊行示威嘅自由。今次警方嘅起訴，明顯係繼續打壓我哋公民社會嘅自由同權利。」
他強調「會堅持到底，唔會後悔，今次檢控亦不會嚇退到我去繼續參與社會運動。希望香港人堅持五大訴求，反對一切嘅打壓，團結一致做大家可以做嘅嘢。」
雖然警方並非以《國安法》提控，但陳皓桓不以為然。他說：「只係告我3條罪，但其實今時今日，佢用國安法係幾時都得，唔使理由，唔使標語橫額，甚至任何嘢，佢鍾意告咩就告咩。「快必」譚得志已經還柙差不多9個月，佢犯咗咩法呢？言論？點解言論可以入罪？今時今日，佢要打壓你，就打壓你，今日我就係其中一個，嚟緊會有更多，只希望香港人團結一致，堅持到底。」
-----------------------------
-----------------------------
-----------------------------