當年今日
關於我們

【狗仔出更】阮民安趁蒙面惡法倒數前夕 戴黑口罩馬鞍山為示威者打氣

蘋果日報 2019/10/04 23:07

馬鞍山阮民安蒙面法

特首林鄭月娥今日下午頒佈引用《緊急法》訂立《蒙面法》,禁止在公眾活動中蒙面,條例10月5日起實施,法例生效後,觸犯的最高刑罰為監禁1年及罰款25,000元,蒙面惡法一出,今晚多區都有抗爭者上街示威。
約晚上9點45分,E-kids成員阮民安(Tommy)身穿黑衫,戴着黑色口罩,在馬鞍山新港城中心出現,現身為示威者打氣。他不斷叫示威者小心,其間有不少示威者沿途叫「阮民安加油」,更上前握手,他接受《蘋果》訪問時對於惡法感想有太多:「用呢個緊急法去立呢個嚴法,其實我哋香港人完全唔可以接受呢件事,緊急法係非常嚴重,喺外國打仗先實行。呢個法例,今日我哋竟然……我完全冇諗過我哋今日處身喺香港,竟然喺呢個情況下立呢個法。其實林鄭呢個決定我諗唔通,佢一定知道情緒氣氛、社會抗爭意識更激烈,點解呢一刻宣佈呢樣嘢?希望佢唔係睇小我哋香港人嘅決心,我希望唔係,如果係就大錯特錯。佢宣佈完,即刻即時各區反應,成日話年輕人唔好淨係睇TVB,睇多啲傳媒,見到每一個年齡階層去反對呢件事,即刻去表達反應。」
Tommy表示市民反應應該是林鄭預計之內:「我希望我哋香港人真係唔可以當無事發生,一定要出嚟團結一致,唔係一日、兩日,直到我哋勝利為止。」問到他在遊行企前線表達,會否擔心安危,太太會否有投訴?阮民安表示:「我喺出嚟行街、去唔同地方發夢,為我哋犧牲呢個運動嘅年輕人、手足實在付出太多,我哋呢班和理非、藝人、公眾人物,唔好覺得我哋犧牲好大,為咗我哋犧牲嘅普通市民更加大、傷更加大、犧牲、傷更加多,我哋要畀一分力大家,唔擔心自己人生(身)安全,當然我哋係會小心,但唔會驚,唔會怕,我哋做緊一件啱嘅事,為香港爭取一件啱嘅事,唔係錯嘅事。」
採訪、攝影:徐錦池、孔志豪
-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港