【本報訊】政府今年的經常開支首次突破3,000億，增幅達8%。曾俊華昨在預算案「呻窮」，「警示」指如政府開支平均每年增加7.5%，七年後就會出現結構性赤字。不過，有議員質疑財爺危言聳聽，鋪路向全民退保等長遠福利政策「落閘」。但經濟學者則指，人口老化下難靠年輕一代供養退休者，若政府收入減少，削減開支無可厚非。
立法會議員張超雄指政府年年有盈餘，目前儲備更逾7,000億，「財爺話結構性赤字，但我見到係相反」，質疑曾俊華藉赤字作擋箭牌大削福利，甚至阻礙落實全民退休保障，「令大家有惡劣印象，覺得經濟環境唔穩定，將來退保唔好做咁盡」。

議員質疑阻落實全民退保

另一議員何秀蘭也擔心，曾俊華此說預告「就算唔減（福利）都唔會有嘢加」，但生活開支隨通脹上升，貧者越貧，基層家庭更難向上流動。她促政府公開長遠財政計劃工作小組的研究報告，並考慮徵收大額股息稅，擴闊稅基及穩定庫房收入，「得一小撮人要畀，好過搵基層開刀」。
不過，中大經濟學系副教授莊太量則指，結構性赤字雖不等於即時用盡儲備，但不排除持續赤字逐漸花光積蓄，「突然有一年經濟好差，可能已經使咗幾百億」。既然預視將來有可能出現赤字，便需審慎理財。
莊太量指《基本法》規定特區政府收入不能過於偏離經濟增長，故加稅非萬能，難免要從削減福利着手平衡收支，「未必係落閘，但畀個訊息大家，將來未必有好多糖（福利措施）」。