三屆視帝黎耀祥今日同吳鎮宇、周秀娜喺東莞出席餐廳開幕活動，咁多巨星到場，當然現場逼滿幾百名市民啦。

著上泰山裝嘅娜姐無啦啦俾一名女粉絲捉著隻手唔放，嚇咗娜姐一跳，至於祥仔表現就最親民，鎮宇都係一貫面黑黑咁。對於亞視逼藝人上洗腦培訓班，祥仔就話：「好過份，簽合約時冇註明必須出席培訓班，民主社會應該俾人揀。」

祥仔都讀過無綫舉辨嘅第三期進修班：「要人讀個台嘅歷史都好過份，我哋以前唔使，純教演戲、唱歌、台辭演出嘅技巧。」問到宮雪花做導師係咪恰當？佢話：「可能佢教人生經驗。」