由宋仲基、宋慧喬主演嘅KBS人氣劇《太陽的後裔》今晚播第11集，承接上一段，講到救尹明珠（金智媛飾）嘅疫苗被黑市頭目Argus搶走，劉時鎮（宋仲基飾）趕到將佢想要嘅鑽石畀Argus，疫苗車子順利過關，但徐大英（陳久飾）就嬲爆，仲激動打Argus手下，而之前姜暮煙（宋慧喬飾）收留嘅紅妄衣孤女亦被Argus安排嘅警方帶走。


而黑市頭目Argus嚟到時鎮佢哋嘅軍營搵陳永壽科長，其實係想搵陳永壽偷咗佢嘅一大包鑽石，時鎮話這兒唔係失物認領處，要佢喺10秒內離開，而Argus想喺袋內拿出東西，點知一眾軍人以為佢拿出手槍，眾人舉出手槍對峙，原來Argus卻拿出疫苗畀醫生，要佢救陳永壽。

疫苗終於到達，大英入到病房支持明珠。時鎮四圍搵暮煙，但發現暮煙被警方帶走，當時鎮揸車搵暮煙時，發現紅衣孤女，點知原來暮煙已被Argus個幫人所挾持，時鎮乖乖放下手槍，Argus來到問時鎮想唔想死，定係想佢女友死，要佢現時只可以聽佢吩咐。Argus話：「今天午迅會有武器運到，等我交易一結束就讓我離開，我只想賺錢，一定要準時，我唔想(指暮煙)賣佢便宜嘅地方。」於是時鎮就睇住暮煙被Argus帶走。

暮煙被挾持在車上，時鎮用對講機話一定會搵到暮煙，叫佢唔好怕，唔好喊，又叫佢等多一陣，佢就快會到，Argus就搶走對講機仲將佢丟棄，令暮煙大感絕望。時鎮向上司報告要拯救人質，但因為會牽涉兩地嘅外交，所以令上司大表憤怒，時鎮強調今次事件係綁架，仲話唔等得，時鎮為了救暮煙再次違抗軍令。

時鎮接到特種部隊司令官電話，話畀佢3小時時間佢去救暮煙，但只以個人身份去，最終時鎮獨自帶備裝備去拯救暮煙。Argus捉走暮煙仲打了佢一把，Argus話：「時鎮又聰明又幽默，可是佢有好多秘密，會成日聯繫唔到，總有一天永遠唔會回來，還是分手吧，這是忠告。」暮煙話：「你不用知我說什麼，你這個垃圾。」時鎮聯絡好友話要一架直升機，因為佢有一個約會。