當年今日
關於我們
【沖繩暴雨連場】AKB人氣總選取消戶外舉行 指原莉乃:悲傷又震驚
蘋果日報 2017/06/16 13:15
AKB48
沖繩
指原莉乃
AKB人氣總選
日本組合AKB48今年嘅「第9屆AKB人氣總選」原定明天假沖繩豐崎海濱公園沙灘舉行,可惜首次移師到沖繩戶外展開卻出師不利,遇上當地天氣惡劣兼大雨連場,預測聽日嘅降雨量多達80%,更有雷暴警告,大會今日終於決定變陣,宣佈會改往室內嘅豐見城市立中央公民館進行,因為場地問題,到時唔會有粉絲及座上客,富士電視台就照原定計劃作現場直播,不過喺沙灘搭建嘅舞台就白費心機,而已賣出嘅門票都要接受退票。
AKB家族成員對於今次活動臨時轉場,今日即在社交網發表意見,上屆一姐指原莉乃於Twitter談及心情,佢自言感到悲傷又震驚,並向期待已久及受影響粉絲致歉。曾登上冠軍寶座嘅渡邊麻友,亦都對今次天雨關係而被迫變陣感到無言以對。
沖繩豐崎海濱公園沙灘已搭建好舞台,但因天雨關係被迫取消。
沖繩暴雨連場,更有雷暴警告。
已改到面積細小嘅豐見城市立中央公民館進行。
指原莉乃同渡邊麻友都對今次變陣感到失落。