【勁請亞視人】戚黛黛擺酒 劉錫賢 林韋辰 蔡國威都係座上客
蔡國威戚黛黛劉錫賢林韋辰Calvin
戚黛黛同副機師老友Calvin今日喺香港擺酒請埋一大班亞視之友嚟飲
嘉賓包括「亞視一哥」劉錫賢、林韋辰同啱啱加盟大台嘅蔡國威
戚黛黛同副機師老公Calvin今日喺尖沙咀朗廷酒店擺酒,除咗一眾港姐好友之外,曾經喺亞視工作過嘅戚黛黛仲請埋一大班亞視之友嚟飲佢餐喜酒。
嘉賓包括「亞視一哥」劉錫賢、林韋辰同啱啱加盟大台嘅蔡國威都係座上客,其中蔡國威傷住隻腳都嚟飲,佢喺ig留言:「好兄弟好姐妹好同事好拍檔黛黛嫁啦,梗係跛都要嚟飲啦!」佢仲祝一對新人快啲生B o添!
據知之前黛黛都有請威仔去到意大利飲,但因為工作就唔到期去唔到,所以今日喺香港擺酒,威仔腳受傷都要嚟。
婚宴去到晚上大約11點,好多大台藝員都離開,得返一圍亞視藝人仲喺到,黛黛同老公Calvin陪住啲親友影相,大家搭晒膊頭好開心。另外,仲有部份賓客喺到飲下嘢,傾下偈。現場清晒場咁滯,有部份親友喺門口等候。