香港寬頻（1310）去年以流動虛擬網絡營辦商（MVNO）方式殺入流動電訊市場，打正旗號明搶香港電訊（6823）客。早前一再出招，將與數碼通（315）合作的4G plan大減30元至96元（連行政費），與SUN Mobile看齊。被問題到會再減，行政總裁及持股管理人楊主光今日於業績會上表示，「一定係最低價，最高數據用量」，認為「依架水位最靚」，但如果有競爭對手再減價，揚言「佢今日出，我今晚就跟」。

楊主光表示，不怕會造成惡性競爭，指現有登記流動通訊用戶超過10萬戶，至8月底全年目標可超過20萬戶。他指，不排除於流動電訊市場再推有新優惠，但就一定會先給予現有88萬固網客戶。至於針對對手香港電訊的200元超市禮券就會繼續，他指，「csl.最大最貴，梗係揀個易嚟做。」

但固網寬頻就不會再減，楊主光早前揚言今後目標為一年最少加價3次，每次不少於一成。他表示，「固網冇減價戰，對手減我冇跟」，又認為「佢平唔到，佢平啫係自殺」。他指，今後加價的同時亦會「加料」，「希望多啲客用套餐，每月收費會增加，但係客嚟講係減價」，因為整體支出減少。

記者：梁偉聰

掌握財經地產資訊，即Like「蘋果ATM」fb專頁啦！
http://fb.com/appledailyatm