「有啲病人一個月睇五、六次醫生，抵抗力好弱，細心問至發覺佢哋有好多問題，有啲人會失眠、逃避上班、會喊，甚至計劃自殺。」家庭醫生林永和表示，市民一般不察覺自己患有情緒病，「最擔心嘅係有病人會發展為抑鬱症，佢哋（抑鬱症患者）當中有百分之十五會自殺。」
他解釋，情緒病不等同精神病，情緒病包括廣泛性焦慮症、社交恐懼症、強迫症、驚恐症、創傷後壓力後遺症等（測試方法見附表）。
「我有個病人見到神主牌就會覺得好污糟，覺得會毒害自己，咁樣佢鄰居屋企有神主牌，重要成日開住門，令佢不自覺咁洗手，洗極都覺得唔乾淨。」林永和說，不斷洗手是強迫症患者的典型症狀。

見上司「惡相」就口震
他又說，過往有病人因在東區走廊切線撞車，自始經過該路段也不敢開快車，「後來連高速公路都唔敢去，半年後直情唔敢開車，是典型嘅創傷後壓力後遺症。」至於社交恐懼症患者，則因害怕與人交往，怯於正視別人，成為警察查身份證「熱門對象」。
嚴重的個案可能源自童年的經歷，社區精神醫學醫生黃其昌的病人中，部份曾受性侵犯，「佢搵工見工冇問題，一做落就有事。」黃其昌說，這位二十八歲男病人，學業成績優異，但每份工做不過一年，「後來先發現佢怕見面目猙獰嘅人，每次見到上司嘅『惡相』就會口震。」
原來病人念小學時，曾在放學途中被非禮，每月被狎玩兩、三次之多，情況持續了大半年。病人自始對「惡形惡相」的人產生極大恐懼，成長後仍無法擺脫，最終演化為抑鬱症。