噚日亞視請到荷李活打星尚格雲頓,同過檔無綫嘅亞洲先生翟威廉做嘉實,今日就請咗時裝設師何國鉦來介紹一眾亞姐喺決賽當晚嘅衫。因為呢批靚衫都係何國鉦設計0架。高手真係高手,完全成功將佳麗身材上嘅缺憾完全遮晒,平胸、巨躉、粗腰、火腿腳完全遮晒。何國鉦話:「今次大會想表達未來感覺,所以我用上好多Cyber元素,一共六套款式,設計上好有難度。」
今次設計上咁有難度,而何國鉦所設計嘅衫亦真係好靚,而有啲佳麗又真係著得好睇,所以影合照嗰陣,何生都忍唔住,左望32吋上圍嘅吉林代表13號付蓉,右望33吋半上圍嘅2號大馬佳麗葉詩琪;身材有幾「高下立現」,由何國鉦一閃即過嘅眼神都睇得到………