當年今日
關於我們

【老翻踩場】香里奈九展見fans 被攝影師爆大食

蘋果日報 2018/05/06 16:35

香里奈

日本女星香里奈早前推出全新寫真集《G 香里奈》,今次佢偕攝影師富取正明來港為寫真集展開宣傳之旅,香里奈相隔六年再度訪港,今日到九展地下中央廣場開影迷見面及簽名活動,呢次係香里奈繼2012年出席第6屆亞洲電影大獎後再見港迷。
香里奈準時在下午3點現身,吸引不少忠實fans及龍友到場,當佢一上台即用半廣東話半普通話打招呼:「大家好,我係香里奈。」之後再用廣東話講「多謝」。香里奈穿上Vivienne Tam特別為佢度身訂製嘅長裙出席今次活動。昨日甫抵埗,香里奈即急不及待到處留倩影,佢好期待今次之行,但二人均覺得香港唔同咗,尤其經過彌敦道,發現霓虹燈招牌少咗好多,本打算拍照嘅富取正明難免有點失望。
香里奈今晚會食廣東菜,昨晚開工至太夜,所以要到酒店附近食泰菜醫肚。fans又介紹偶像食香港甜品,包括雞蛋仔、菠蘿包,攝影師又爆香里奈比一般女仔食量較大。
香里奈在活動上又同港迷分享拍攝苦與樂,富取正明透露去年到千葉海邊取景嘅一輯照片,要半夜出發並等天光作準備,香里奈於清晨捱凍浸住海水拍攝兩小時,專業嘅香里奈震住上陣,但出來效果卻令人滿意。
活動期間,有女粉絲一臉自信地稱時常被讚似香里奈,當主持即場翻譯後,向香里奈即答:「髮型都幾似。」之後擁躉終一嚐所願跟偶像合照。
精選娛聞,喺晒《娛果》
http://fb.com/appledailyent