單親媽媽文女士近年靠做酒樓侍應養育一對在學女兒，早前文女士因酒樓結業加入失業大軍，自此難以覓得工作，經濟陷困，欠下兩個月屋租及煤氣雜費，近日已到山窮水盡地步，蘋果日報慈善基金即時撥款助她解困。

面容憔悴的文女士，向到訪記者幽幽地說：「包租婆今朝又嚟催我交上個月同今個月租金，佢警告我再唔交租就會趕我三母女走。𠵱家我身上剩得百幾蚊，都唔敢諗可以捱得幾耐，叫我點去還債！」

丈夫失蹤無依靠
三十五歲的文女士，原籍上海，早年移居香港後，與較他年長五歲的同鄉黃先生共諧連理，先後誕下兩名女兒。
黃先生任職駕車送貨工人，婚後努力賺錢養活妻女，是家中經濟支柱。可是黃先生自三年前離家不知所終，遺下文女士帶着一對女兒孤苦過活。

兩女懂事感安慰
「阿黃突然人間蒸發，呢度同鄉下所有親友都冇佢消息，到𠵱家大家都唔知佢係生係死。」文女士歎道。
丈夫蹤影杳然，文女士近年惟靠一己勞力維持家計，努力為口奔馳。「呢幾年我一直靠做酒樓侍應勉強擔起頭家，早出晚歸，好在兩個女都非常生性，好畀心機讀書，重識得自己煮飯食，完全唔使我擔心。」兩名女兒現年十二及十三歲，分別就讀中一和中二。
文女士續向記者細訴：「可惜前排間酒樓執笠，試過搵其他工，好似做售貨員、辦公室信差咁，但一直冇回音。」