【畢業生搵工實錄（2）】
寄N份求職信零回音　黑仔回流生靠炒散過活

蘋果日報 2017/09/07 05:20

兼職求職信畢業生搵工實錄藥劑學數
    今集《畢業生搵工實錄》主角Sunny，喺英國藥劑學數一數二嘅大學畢業，佢同第1集非常順利嘅Natalie相反，由畢業到而家一直都未搵到工，惟有靠炒散過日晨。

    主修Chemistry嘅Sunny，目標想做藥廠或科研之類嘅工作，佢話因為香港藥廠唔多，加上自己冇乜工作經驗，所以一直都收唔到Job offer。Sunny本來諗住喺藥廠返工，預料起薪點至少有兩、三萬，點知而家要炒散，人工得番最低工資多啲啲。Sunny仲話，已經記唔到寄出過幾多封求職信，總之永遠冇回音、冇回覆。
    empty
    Sunny啱啱喺英國嘅貝爾法斯特女王大學畢業。
    empty
    貝爾法斯特女王大學係英國藥劑學數一數二嘅學校，僅次於劍橋大學。（網上圖片）
    empty
    Sunny由畢業到而家一直都未搵到工。
    empty
    聽講浸過咸水搵工會易啲，Sunny話冇啲咁嘅事。
    話晒都叫做浸過鹹水，點解一個外國回流嘅畢業生會咁難搵工？Sunny話：「我相信幫助都唔係太多，我send咗CV去之後等回覆，但冇人回覆我囉！搵咗幾多份？多到數唔晒。」家陣Sunny都唔求啲咩，任何散工都想做住先，當儲下工作經驗。「喺醫院做過義工，做收銀，做sales，倉務有時都會去幫手。如果有好發展，其實我都唔介意返大陸，做文書又好啦，我都唔介意，但都冇回覆。」

    Sunny感嘆，其實兼職都唔係想做就有，好似佢之前喺動漫節份工咁，都係朋友介紹先有得做；唔識人嘅話，就可能要過幾輪面試。最近，Sunny好好彩咁喺網上搵到份活動推廣員嘅兼職，但偏偏喺呢個時候，佢整親隻腳，仲瞓咗3晚醫院。Sunny指住自己隻腳話：「黑仔？唔使講喇，就咁睇都知。我好好彩pass咗interview，但因為整到隻腳返唔到工。」

    搵工過程一波三折，家陣仲打跛腳唔使做要休息，Sunny無奈咁講咗句：「祝我自己好運喇。」
    empty
    Sunny話其實搵兼職嘅競爭都唔細，可以喺動漫節返工都係多得朋友介紹。
    empty
    難得Sunny搵到份活動推廣員嘅兼職，但偏偏整親隻腳，仲瞓咗3晚醫院。
    empty
    搵工過程一波三折，Sunny無奈咁講咗句：「祝我自己好運喇。」
    採訪：RachelBee
    攝錄：馮峰、吉吉